Daknông jih ai tiê msir klei amâo mâo thâo hră hlăm krĭng mnuih djuê ƀiă
Thứ năm, 09:41, 14/12/2023
VOV TAYNGUYEN
VOV TAYNGUYEN
VOV4.Êđê- Hlăm gưl klă kơ̆ng hruê čuă ala čar drei, tlam mbruê 13/12, ti Hà Nội Khua gĭt gai Đảng Nguyễn Phú Trọng mbĭt hŏng mô̆ ñu leh anăn Khua gĭt gai China tập cận Bình mbĭt hŏng mô̆ gơ̆ nao hlăm klei bi tuôm leh anăn mjĕ mjuk hŏng phung khua êmua, phung mda asei 2 lăn čar Việt Nam – China.
Blŭ hlăm mmông bi tuôm, Khua gĭt gai China Tập Cận Bình lač klă, dŭm hdră mjĕ mjuk, bi mguôp mnuih ƀuôn sang dua tĭng, hlăm anăn mâo klei mjĕ êrô dhar kreh, mjĕ mjuk dŭm alŭ wăl krĭng knông lăn dua tĭng srăng đru mđĭ hĭn klei khăo dua tĭng, hrăm mbĭt bi đru kơ êdei anăp boh hŏng klei mlih, đru mguôp lu hĭn kơ kleui đĭ kyar anak mnuih.
Bi ala phung khua êmua leh anăn phung mda asei dua lăn čar mñă klă srăng jih ai pô, đru hluê ngă klei thâo săng mbĭt mơ̆ng phung khua gĭt gai gưl dlông dua Đảng, dua knŭk kna kơ bruă mkŏ mjing tur knơ̆ng bi hgŭm, đru ksul mbŭ klei bi hgŭm Việt Nam – China.
Viết bình luận