VOV4.Êđê - Tlam mbrue (15/5), Êpul hgŭm bruă êdam êra čar Daklak lehanăn êpul hgŭm phung nai aê mdrao čar mkŏ mjing knăm Mpŭ mni Nai aê mdrao kdlưn hĭn čar Daklak thŭn 2022, mpŭ mni kơ 32 čô aê mdrao mda asei đru mguôp leh lu bruă tŭ dưn hlăm klei mdrao mgŭn, mđup brei mnơ̆ng kơ 2 čô aê mdrao mâo klei hdĭp dleh dlan.

Hlăm hdră anei, phung aê mdrao mâo kah mbha leh kơ bruă knuă, lehanăn bi đru êjai găn klei dleh dlan, boh nik hlăm wưng mdrơ̆ng hŏng klei ruă tưp Cocid 19. Phung aê mdrao mda asei, mâo mơh ai tiê, klei čang hmăng mơĭt truh hŏng phung ƀuôn sang mâo klei thâo hlăm bruă mdrơng hŏng klei ruă tưp, mbĭt hŏng hdar bruă mdrao mgŭn bi dlăng kriê klei suaih pral, bi hơĭt klei hdĭp mda./.

Y-Khem pô mblang