Ti anôk mă bruă, phung khua kiă kriê čar Nghệ An ba mdah leh dŭm bruă djŏ tuôm kơ hdră mtrŭn kriê dlăng ngăn prăk knŭk kna; hdră mtrŭn kriê dlăng ƀuôn prŏng, ngăn dŏ, wăl hdĭp mda, hdră mtrŭn kriê dlăng bruă duh bi liê, mđĭ kyar bruă duh mkra êa ksĭ, mkŏ mjing anôk bruă, mnuih mă bruă…Blŭ hrăm ti knăm anei, Khua anôk bruă kƀĭn ala Vương Đình Huệ mñă klă, Hdră mtrŭn mrô 39 mơ̆ng Phŭn bruă kđi čar jao kơ Đảng êpul bi ala anôk bruă kƀĭn ala ksiêm dlăng, thiăm mbŏ dŭm mta klei bhiăn, hdră mtrŭn čiăng mđĭ kyar čar Nghệ An kluôm dhuôm, mâo mta phŭn, djŏ guôp hŏng hdră êlan đĭ kyar bruă duh mkra – ala ƀuôn mơ̆ng kluôm ala čar, čuăl mkă ala čar lehanăn krĭng Dưr kwar Krah lehanăn ktuê hang ksĭ kwar Krah mbĭt anăn mâo klei bhiăn êdah kdlưn čiăng mđĭ kyar ƀuôn prŏng Vinh jing anôk phŭn hdră duh mkra – ala ƀuôn mơ̆ng kluôm krĭng Dưr kwar Krah.

Khua anôk bruă kƀĭn ala mtă kơ čar Nghệ An brei lŏ ksiêm dlăng dŭm hdră mtrŭn mâo Anôk bruă kƀĭn ala ba mdah srăng dưi ba yua, čiăng đăm mdĭ mđăl hlăm Hdră mtrŭn; dŭm hdră mtrŭn ngă leh brei rơ̆ng ênưih hluê ngă, mâo klei tŭ dưn. Leh klei bi kƀĭn anei, Dhar bruă Ngăn prăk mơ̆ng Anôk bruă kƀĭn ala bi hgŭm hŏng Phŭn bruă Hdră kčah duh bi liê hŏng ai tiê đua klam čiăng dưi ngă leh, hnưm ba mdah hŏng Dhar bruă gĭt gai Anôk buă kƀĭn ala lehanăn Anôk bruă kƀĭn ala./.