Võ Văn Thưởng jing knuă druh kmeh gơ̆ng mơ̆ng Đảng leh anăn Knŭk kna, dưi mtô mjuăt klă klơ̆ng mơ̆ng nah gŭ, ngă lu bruă klam gĭt gai yuôm bhăn hlăm Đảng leh anăn Knŭk kna. Khădah snăn, mrâo êgao hlue si klei hâo hưn mơ̆ng Knơ̆ng bruă ksiêm dlăng gưl dlông leh anăn dŭm anôk bruă djŏ tuôm, Ñu ngă soh hŏng klei kčah kơ mta phung đảng viên amâo dưi ngă, Kčah kơ bruă klam bi hmô mơ̆ng phung knuă druh, đảng viên, êlâo hĭn jing Khua hlăm Phŭn bruă kđi čar, Khua hlăm Dhar bruă Đảng, Khua hlăm bruă Đảng gưl dlông leh anăn tŭ đua klam jing pô ba anăp hlue si klei kčah mơ̆ng Đảng leh anăn hdră bhiăn knŭk kna.

Dŭm klei ngă soh, êdu kƀah mơ̆ng Võ Văn Thưởng ngă lu mnuih ƀuôn sang amâo tŭ ư, hmăi kơ kơhưm mơ̆ng Đảng, knŭk kna leh anăn ñu pô. Thâo săng bruă klam ti anăp Đảng, Knŭk kna leh anăn mnuih ƀuôn sang, ñu mâo leh hră akâo mdei jih jang bruă dưi jao. Mơ̆ng klei kčah mtrŭn mơ̆ng Đảng, Knŭk kna leh anăn ksiêm dlăng klei ñu čiăng, Anôk dlăng bruă Đảng gưl dlông tŭ ư brei Võ Văn Thưởng mdei ngă  bruă: Khua hlăm Phŭn bruă kđi čar, Khua hlăm bruă Đảng gưl dlông gưl XIII, Khua lăn čar ala ƀuôn ngă phŭn Việt Nam, Khua Êpul gơ̆ng lĭng kahan leh anăn răng mgang klei êđăp ênang wưng 2021-2026./.