Gĭt gai klei bi kƀĭn mâo K’iăng Khua knŭk kna Trần Lưu Quang leh anăn Khua phŭn bruă, Khua Dhar bruă djuê ana Hầu A Lềnh. Blŭ hrăm gĭt gai hlăm klei bi kƀĭn, K’iăng Khua knŭk kna Trần Lưu Quang bi mni kơ klei gĭr leh anăn boh tŭ dưi mâo hlăm bruă djuê ana thŭn êgao.

Khădah snăn, êngao kơ boh tŭ klă klơ̆ng, krĭng mnuih djuê ƀiă leh anăn krĭng čư̆ čhiăng adôk lu klei dleh dlan, lông dlăng leh anăn lu bruă brei lŏ dơ̆ng msir mgaih hlăm wưng ară anei. Kyua anăn, K’iăng Khua knŭk kna mtă hlăm wưng kơ anăp dŭm phŭn, dhar bruă, alŭ wăl brei mđing kơ bruă djuê ana, hlăm anăn ngă bruă djŏ guôp hŏng klei bhiăn hdĭp mda leh anăn klei găl klă klơ̆ng mơ̆ng djăp anôk. Mđĭ ktang bruă hâo hưn bi mlih klei thâo săng, ngă bruă leh anăn klei mĭn mnuih ƀuôn sang čiăng kơ diñu gĭr ktưn, amâo hmư̆ klei phung jhat mplư./.