VOV4.Êđê - Ƀri gưl klei bi kƀĭn tal 3, Bruă kƀĭn ala gưl 15 mkŏ mjing ti ƀuôn prŏng phŭn Hà Nội, Dhar bruă djuê ana mkŏ mjing klei bi tuôm hŏng phung bi ala kơ Bruă kƀĭn ala jing phung hlăm Êpul gơ̆ng djuê ana. Hlăm klei bi tuôm, Khua phŭn bruă dlăng Dhar bruă djuê ana Hầu A Lềnh hâp hưn hŏng phung bi ala kơ boh klei hlue ngă bruă djuê ana, hdră êlan djuê ana leh anăn dŭm mta bruă mâo phung bi ala kơ bruă kƀĭn ala, phung bi ala kơ mnuih ƀuôn sang leh anăn mnuih ƀuôn sang mđing dlăng.  Hlue anăn, ară anei Dhar bruă djuê ana gĭt gai, mkŏ mjing 38 Hdră bruă, hdră êlan djuê an kñăm hlue ngă hdră êlan mơ̆ng Đảng, Hdră mtrŭn mơ̆ng Bruă kƀĭn ala, klei Knŭk kna leh anăn Khua knŭk kna gĭt gai, mđĭng kơ dŭm hdră êlan mđĭ kyar bruă duh mkra- ala ƀuôn, mđĭ kyar mnuih mă bruă djuê ƀiă, hdră êlan hŏng phung mâo kơhưm hlăm mnuih djuê ƀiă… Boh nik, Hdră kñăm ala čar mđĭ kyar bruă duh mkra- ala ƀuôn krĭng mnuih djuê ƀiă leh anăn krĭng čư̆ čhiăng wưng thŭn 2021-2030, Khua phŭn bruă, Khua Dhar bruă djuê ana Hầu A Lềnh lač, anei jing hdră êlan prŏng mơ̆ng Đảng leh anăn Knŭk kna kơ bruă hlue ngă hdră êlan djuê ana, brei ruh mgaih klei dleh dlan, gun kpăk čiăng hlue ngă jăk hdră êlan anei./.

H’ Zawut pô mblang