VOV4.Êđê - Lŏ dŏng klei bi kƀĭn thŏng kơ bruă Hdră bhiăn mlan 8 mŏng Dhar bruă gĭt gai bruă kƀĭn ala. Hruê 16/8, Dhar bruă anei brei leh klei blŭ kơ Hdră bhiăn răng mgang ƀuôn sang. Anei jing klei čih mkra hdră bhiăn dleh, hnơ̆ng êwang prŏng, dưi mdah kơ anôk bruă kƀĭn ala tal êlâo ti Klei bi kƀĭn tal 4, Anôk bruă kƀĭn ala 15. Klei čih mkra mâo 7 kdrêč, 75 mta, mđing kơ 6 hdră mtrŭn: Tĭng dlăng klei truh jhat, klei tăm bluh mâo hlăm hdră răng mgang ƀuôn sang; Kah mbha bruă kriê dlăng knŭk kna lehanăn kah mbha hdră mă bruă gang mkhư̆, mdrơ̆ng lehanăn msir mghaih klei truh jhat; Kčah mtrŭn hdră răng mgang mnuih ƀuôn sang anăp klei truh jhat lehanăn đru kơ mnuih ƀuôn sang luič liê. Mlih mrâo hdră mkŏ mjing mŏng Anôk bruă gĭt gai hdră răng mgang ƀuôn sang; Ba yua kdrăp mrâo (big data) hlăm hdră gang mkhư̆, mdrơ̆ng lehanăn msir mghaih klei truh jhat; Kčah mtrŭn boh klei răng mjêč kơ bruă răng mgang ƀuôn sang. Bruă ba mdah Hdră bhiăn gang răng ƀuôn sang jing djŏ guôp hŏng boh klei mâo mŏng klei yan adiê ngă, klei ruă tưp, boh klei mâo hlăm tar rŏng lăn lehanăn krĭng wăl dôk dleh dưi ksiêm dlăng msĕ ară anei./.

H’Nêč pô mblang