Hdră êmuh lehanăn wĭt lač klei êmuh mkŏ mjing mơ̆ng aguah anei 21/8 truh kơ aguah mgi 22/8. Hlăm aguah anei, leh Khua Anôk bruă kƀĭn ala Trần Thanh Mẫn blŭ hrăm mphŭn pŏk, Khua Adŭ bruă anôk kƀĭn ala Bùi Văn Cường hưn klei Hâo mdah bruă ksiêm dlăng mơ̆ng Êpul hgŭm djuê ana, dŭm Dhar bruă mơ̆ng Anôk bruă kƀĭn ala, hưn mdah klei blŭ mơ̆ng Anôk bruă ksiêm dlăng klei mĭn mnuih ƀuôn sang kơ bruă hluê ngă dŭm hdră mtrŭn mơ̆ng Dhar bruă gĭt gai Anôk bruă kƀĭn ala kơ klei ksiêm dlăng lehanăn hdră êmuh mơ̆ng akŏ wưng păn bruă Anôk bruă kƀĭn ala gưl XV truh kơ jih thŭn 2023.

Leh kơnăn, phung bi ala Anôk bruă kƀĭn ala srăng êmuh phung khua phŭn bruă, khua anôk bruă kơ klei hluê ngă hdră mtrŭn mơ̆ng Dhar bruă gĭt gai Anôk bruă kƀĭn ala kơ klei ksiêm dlăng lehanăn hdră êmuh mơ̆ng akŏ wưng păn bruă Anôk bruă kƀĭn ala gưl XV truh kơ jih thŭn 2023 hŏng dŭm mta bruă, mâo: hdră lŏ hma lehanăn mđĭ kyar bruă lŏ hma, bruă tuh mnia mblei, dhar kreh, mjuăt ktang asei mlei lehanăn hiu čhưn ênguê./.