VOV4.Êđê - Hluê hdră tĭng, Klei kƀĭn tal 16 mŏng Dhar bruă gĭt gai Anôk bruă kƀĭn ala srăng pŏk hlăm hruê 10/10. Ti anôk bi kƀĭn, Dhar bruă srăng bi trông kơ klei čih hưn mdah klei blŭ đru mguôp, klei čiăng mŏng mnuih ƀuôn sang ba m’ĭt kơ klei kƀĭn tal 4 Anôk bruă kƀĭn ala, brei klei blŭ kơ Hră hưn mdah: Boh tŭ bruă msir mghaih, wĭt lač klei êmuh mơ̆ng mnuih ƀuôn sang m’ĭt kơ klei kƀĭn tal 3; Boh tŭ bruă drông mnuih ƀuôn sang, msir mghaih hră m’ĭt mơ̆ng mnuih ƀuôn sang lehanăn boh tŭ msir mghaih klei kčŭt hưn ba m’ĭt kơ Anôk bruă kƀĭn ala thŭn 2022.

Brei klei blŭ kơ klei hưn mdah mơ̆ng knŭk kna kơ: Hdră mđĭ kyar bruă duh mkra – ala ƀuôn, đăo tĭng ngăn prăk knŭk kna thŭn 2022, hdră mđĭ kyar bruă duh mkra – ala ƀuôn thŭn 2023, đăo tĭng ngăn prăk knŭk kna lehanăn hdră mkăp ngăn prăk gưl dlông thŭn 2023; boh tŭ hdră duh bi liê knŭk kna thŭn 2022, hdră kčah duh bi liê knŭk kna thŭn 2023./.

VOVTâyNguyên/ Pô mblang: H’Nêč Êñuôl.