Ti anôk bi kƀĭn, Khua bruă kƀĭn ala Vương Đình Huệ mñă, hdră ksiêm dlăng mơ̆ng Anôk bruă kƀĭn ala, Dhar bruă gĭt gai Anôk bruă kƀĭn ala dưi mkŏ mjing kluôm, mđrăm mbĭt, rơ̆ng hdră hluê ngă djŏ hdră kčah, mbĭt anăn dưi bi êdah klei pral anăp boh klei prŏng bluh mâo hlăm klei hdĭp bruă duh mkra – ala ƀuôn mơ̆ng lăn čar mâo mnuih ƀuôn sang, phung bi ala mđing.

Bi mklă, hdră êmuh lehanăn wĭt lač klei êmuh ti anôk bi kƀĭn rơ̆ng djŏ hdră, hŏng boh sĭt dôk mâo mbĭt hŏng lu klei mlih mrâo, pral msir mghaih dŭm bruă dôk mđing. Mơ̆ng hdră êmuh, wĭt lač klei êmuh brei ƀuh, klei êmuh djŏ hŏng boh sĭt dôk mâo, djŏ hŏng dŭm bruă “mjêč” bluh mâo hlăm klei hdĭp, bruă duh mkra – ala ƀuôn, jing dŭm bruă mjêč ară anei, mâo mta phŭn, djŏ hŏng klei čiăng êmuh mơ̆ng mnuih ƀuôn sang lehanăn phung bi ala hlăm kluôm ala čar./.