VOV4.Êđê- Lŏ dơ̆ng hlăm klei bi kƀĭn tal 8, hlăm klei mă bruă aguah mbrue (16/2), Dhar bruă gĭt gai bruă kƀĭn ala bi tŭ ư leh kơ hdră mtrŭn bruă klam, bruă čuăn, klei dưi lehanăn dăp wĭt bruă Êpul ngă bruă pô bi ala, kñăm bi djŏ hŏng klei mlih mrâo hlăm klei mkŏ mjing, ngă bruă mơ̆ng bruă kƀĭn ala.

Dhar bruă gĭt gai bruă kƀĭn ala lač, klei lŏ mbŏ bruă čuăn, klei dưi anăn jing bi djŏ guôp hŏng bruă knuă sĭt djŏ tuôm hŏng bruă knuă druh. lehanăn bi tŭ ư kơ klei ngă bruă tui si bruă čuăn anăn hlăm hdră bhiăn kơ klei kčŭt hưn. Phung khua prŏng hlăm Dhar bruă gĭt gai bruă kƀĭn ala mtă lŏ mbŏ dŭm bruă kăp kčĕ, bruă mkŏ mjing djŏ tuôm hŏng klei kiă kriê knuă druh hŏng phung bi ala bruă kƀĭn ala ngă dŭm bruă truăn./.

Pô mblang: Y-Khem Niê