Pô bi ala Bruă kƀĭn ala Nguyễn Anh Trí, mơ̆ng ƀuôn prŏng Hà Nội brei thâo: Bruă mkŏ mjing klei bhiăn anei čiăng kơ hdră êlan mơ̆ng Đảng leh anăn knŭk kna dưi rơ̆ng leh anăn hluê ngă klei dưi êngiê anak mnuih, hluê ngă klei bi klă mơ̆ng klei bhiăn mnuih ƀuôn sang leh anăn klei bhiăn ala čar kơ bruă djŏ tuôm hŏng bruă êkei ngă mniê, mniê ngă êkei, klei dưi mơ̆ng phung anăn.

Bruă ba mdah hdră bhiăn anei kñăm bi klă klei čuăn hlăm mta 37 mơ̆ng klei bhiăn mnuih ƀuôn sang, đru kơ boh sĭt klei čiăng mơ̆ng sa êpul hlăm yang ƀuôn, dưl hluê ngă klei mlih êkei jing mniê, mniê jing êkei mơ̆ng klei bhiăn ala čar čiăng hdĭp djŏ hŏng pô.