VOV4.Êđê- Lŏ dơ̆ng hlăm klei bi kƀĭn tal 11, hrue anei (13/5), Dhar bruă gĭt gai bruă kƀĭn ala ksiêm dlăng kơ lu mta bruă duh bi liê ngăn ptrăk mơ̆ng gưl dlông wưng thŭn 2021 – 2025, lehanăn thŭn 2022 kơ dŭm phŭn dhar bruă gưl dlông lehanăn alŭ wăl hlue ngă 4 mta bruă ala čar kñăm, lŏ thiăm mbŏ ngăn prăk mơ̆ng gưl dlông thŭn 2022 hlăm ala čar kah kơ dŭm phŭn dhar bruă alŭ wăl lehanăn mâo klei blŭ kơ bruă bi čan prăk, kơ klei knŭk kna đru krơ̆ng hlăm klei tĭng mkă ngăn prăk lăn čar. Leh kơ anăn, Dhar bruă gĭt gai bruă kƀĭn ala mâo klei blŭ kơ bruă ba mdah hŏng bruă kƀĭn ala ksiêm, bi mklă hdra êlan duh bi liê dŭm mta bruă yuôm bhăn dôk hlăm klei dưi mơ̆ng anôk bruă kƀĭn ala bi klă kơ klei duh bi liê, ba yua lu mta ngăn prăk mơ̆ng gưl dlông, alŭ wăl, prăk duh bi liê ti hnơ̆ng man dưn, lehanăn prăk mtrŭt mđĭ bruă duh mkra./.

Pô mblang: Y-Khem Niê