Aguah anei (23/9), ti sang bruă kƀĭn ala, dhar bruă gĭt gai bruă kƀĭn ala čhuang hlăm hrue mă bruă tal 2 hlăm klei bi kƀĭn kơ tuôr 37. Aguah anei, Dhar bruă gĭt gai bruă kƀĭn ala mă klei blŭ kơ klei čih hdră bhiăn jia hŏng dŭm mta bruă năng mđing. Boh nik jing rĭng jia hŏng dŭm mta mnơ̆ng msĕ si, kpiê, biêr mđĭ nanao ênoh jiă srăng rĭng kčưm mơ̆ng thŭn 2026 lehanăn truh hŏng thŭn 2030 srăng tŭ klei rĭng jia ktrŏ 100%.

Ti anôk trông čhai kơ bruă rĭng jiă msĕ snăn mâo klei lŏ bi mlih, kyua dŭm anôk bruă duh mkra mơ̆ng ala tač êngao bi hgŭm, bi mguôp hŏng phung bi ala kơ mnuih ƀuôn sang mkŏ mjing mrâo anei, phung truăn kơ bruă, bi êdah leh dŭm mta klei kñăm ba klei tŭ dưn plah wah knŭk kna hŏng phung duh mkra. Mơ̆ng anăn, mâo klei mĭn mơ̆ng Đảng lehanăn knŭk kna hlăm bruă ba yua jiă anei hŏng jih jang mnơ̆ng jing năng kơ klei rĭng jiă ktrŏ, kyua kñăm čiăng răng mgang klei suaih pral mnuih ƀuôn sang, bi hrŏ klei ba yua kpiê, biêr, lehanăn hăt./.