VOV4.Êđê- Lŏ dơ̆ng hlăm hdră bi kƀĭn tal 16, aguah anei (11/10), Dhar bruă gĭt gai bruă kƀĭn ala mă klei blŭ kơ hră knŭk kna hâo mdah hlăm hdră duh mkra ala ƀuôn thŭn 2022, lehanăn klei mkă tĭng ngăn prăk knŭk kna. Thŭn anei srăng mâo djăp lehanăn kdlưn hĭn 14/15 ênoh čuăn mkă hŏng hdră mơ̆ng bruă kƀĭn ala jao, hlăm anăn klei duh mkra đĭ kyar hlăm brô 8%, êgao kơ ênoh kčah mơ̆ng 6 – 6,5%, mjing klei yuôm bhăn kơ dŭm thŭn ti anăp mâo klei đĭ kyar hlăm hdră 5 thŭn 2021 – 2025. Hlăm thŭn 2023, êjai boh klei tar rŏng lăn, lehanăn hlăm ala čar mâo mơh klei găl, lehanăn tuôm hŏng lu mơh klei lông dlăng, boh nik kơ klei kiă kriê kluôm bruă duh mkra, mkhư̆ klei prăk luič ênoh, mđĭ klei duh mkra, rơ̆ng čiăng dưi bi kna kơ bruă duh mkra. Hŏng jih ai tiê čiăng mâo klei bluh đĭ pral, kơrŭ wĭt bruă duh mkra ala ƀuôn, 3 hdră ala čar kñăm: Mkŏ mkra krĭng ƀuôn sang mrâo, mđĭ kyar klei duh mkra ala ƀuôn krĭng mnuih djuê ƀiă lehanăn krĭng čư̆ čhiăng, msir klei ư̆ êpa hŏng klei kjăp./.

Pô mblang: Y-Khem Niê