VOV4.Êđê- Lŏ dơ̆ng hlăm klei bi kƀĭn truăn kơ bruă hdră bhiăn mlan 8, hrue anei (17/8) Dhar bruă gĭt gai bruă kƀĭn ala mă klei blŭ kơ klei čih mkra hdră mtrŭn kơ klei bi kƀĭn bruă kƀĭn ala (lŏ mlih mrâo). Bruă čih mkra hdră mtrŭn kơ klei bi kƀĭn bruă kƀĭn ala (lŏ mlih mrâo) kñăm čiăng kơ bruă kƀĭn ala mâo bruă ngă kjăp hĭn, mđĭ hĭn klei tŭ hlăm djăp gưl bi kƀĭn. Phung bi ala ăt bi tŭ ư djă pioh mta mtrŭn ară anei kơ mmông blŭ hrăm mơ̆ng pô bi ala jing amâo mâo êgao 7 mnĭt ôh, kñăm mjing klei găl kơ phung bi ala mprăp êlâo klei blŭ, rơ̆ng kơ jih mmông pô srăng blŭ anăn dưi djăp jih klei pô čiăng blŭ. Siămdah, pô kiă kriê klei bi kƀĭn ăt thâo tĭng mkă mơh mmông bi djŏ pioh kơ pô bi ala dưi blŭ hrăm, kñăm dưi mâo klei tŭ sĭt hlăm klei bi trông./.

Pô mblang: Y-Khem Niê