Khua bruă kƀĭn ala Vương Đình Huệ lač, klei bi kƀĭn tal 31, Dhar bruă gĭt gai bruă kƀĭn ala mâo klei blŭ hlak mblang, lehanăn tŭ mă hŏng 7 klei čih mkra hdră bhiăn, mâo: Čih mkra hdră bhiăn ƀuôn prŏng phŭn lŏ mlih mrâo; čih mkra hdră bhiăn mlih mrâo thiăm mbŏ đa đa mta mơ̆ng hdră bhiăn bi lông mđĭ ênoh čhĭ mnia ngăn dŏ; čih mkra hdră bhiăn mkŏ mjing sang phat kđi yang ƀuôn lŏ mlih mrâo, čih mkra hdră bhiăn êlan dơ̆ng; čih mkra hdră bhiăn răng mgang klei êđăp ênang êlan klông, hdră bhiăn bruă tuh tia kdrăp lĭng kahan, čih mkra hdră bhiăn hră ênua yang ƀuôn lŏ mlih mrâo.

Khua bruă kƀĭn ala lač, klei năng mđing êdi hlăm klei bi kƀĭn anei jing klei êmuh lehanăn wĭt lač klei êmuh, Khua phŭn bruă ngăn prăk Hồ Đức Phớc lehanăn khua phŭn bruă hŏng tač êngao Bùi Thanh Sơn srăng wĭt lač klei êmuh kơ bruă ngăn prăk lehanăn bruă hŏng ala tač êngao./.