VOV4.Êđê - Aguah anei (15/8), ti Sang bruă kƀĭn ala, pŏk klei bi kƀĭn truăn kơ hdră bhiăn mlan 8 mơ̆ng Dhar bruă gĭt gai bruă kƀĭn ala. Ti anôk bi kƀĭn anei, Dhar bruă gĭt gai bruă kƀĭn ala mă klei blŭ kơ lu bruă yuôm bhăn mprăp kơ klei bi kƀĭn tal 4, Bruă kƀĭn ala gưl 15. Kơ bruă mkŏ mjing hdră bhiăn, Dhar bruă gĭt gai bruă kƀĭn ala mă klei blŭ kơ 3 klei čih mkra hdră bhiăn mâo: Hdră bhiăn răng mgang klei dưi kơ mnuih blei yua mnơ̆ng (lŏ mlih mrâo); klei čih mkra hdră bhiăn răng mgang yang ƀuôn; klei čih mkra hdră bhiăn bi kdơ̆ng hŏng klei mbliư̆ prăk soh. Dhar bruă gĭt gai bruă kƀĭn ala ăt mâi klei blŭ hlak mblang, lehanăn tŭ mă bi mlih kơ 5 mta klei čih mkra hdră bhiăn ba mdah kơ anôk bruă kƀĭn ala ksiêm dlăng ti anôk bi kƀĭn tal 4 mâo: Hdră bhiăn êa pui êwa čuh (lŏ mlih mrâo); hdră bhiăn bi kdơ̆ng hŏng klei ngă jhat hlăm găp djuê (lŏ mlih mrâo); Hdră bhiăn ksiêm dlăng (lŏ mlih mrâo); Hdră bhiăn hlue ngă klei êngiê mil pô nah gŭ; hdră bhiăn mlih mrâo thiăm mbŏ kơ Hdră bhiăn dăng kông êlan kbưi./.

Y-Khem pô mblang