VOV4.Êđê - Aguah anei (19/9), ti Hà Nội, Dhar bruă gĭt gai bruă kƀĭn ala pŏk leh klei bi kƀĭn kơ bruă truăn hlăm hdră bhiăn mlan 9. Dưi mkŏ mjing hlăm 4 hrue, ti anôk bi kƀĭn anei, Dhar bruă gĭt gai bruă kƀĭn ala, mă lu klei blŭ kơ bruă yuôm bhăn, hlăm anăn mâo hdră bhiăn klei kơ lăn ala, lŏ mlih mrâo, hdră êlan kơ bruă mđĭ kyar ƀuôn prŏng Ƀuôn Ama Thuôt hlăm čar Daklak, lehanăn dŭm hdră bhiăn mkăn ba mdah kơ bruă kƀĭn ala ti anôk bi kƀĭn tal 4, srăng mkŏ mjing ti mlan 10 kơ anăp.

Ăt hlăm klei bi kƀĭn anei, lŏ mă klei blŭ truh kơ 5 mta bruă čih hdra bhiăn ba mdah hŏng bruă kƀĭn ala, jing klei čih mkra hdră bhiăn mă bruă hŏng elektronik lŏ mlih mrâo, hdră bhiăn klei kơ ênoh ênil lŏ mlih mrâo, hdră bhiăn kơ klei hgŭmbruă lŏ mlih mrâo, hdră bhiăn kơ klei bi lông hrŏng ruah pô ngă bruă lŏ mlih mrâo, hdră bhiăn klei kơ lăn ala lŏ mlih mrâo. Lehanăn mă klei blŭ kơ bruă hlak mblang, tŭ mă lehanăn bi mlih kơ hdră bhiăn mkă dlăng mdrao mgŭn klei ruă lŏ mlih mrâo, lehanăn mă klei blŭ tal dua kơ hdră bhiăn răng mgang yang ƀuôn./.

Y-Khem pô mblang