Tui si hdră, Dhar bruă gĭt gai bruă kƀĭn ala mă klei blŭ kơ bruă mlih mrâo hdră bhiăn lăn ala, hdră bhiăn dŭm êpul brei čan prăk lŏ mlih mrâo, klei čih mkra dŭm hdră mtrŭn kơ klei bhiăn hdră êlan ruh mgaih jih jang klei dleh dlan, klei gun kpăk kñăm mđĭ bi pral bruă hlue ngă hdră êlan ala čar kñăm, lehanăn klei čih mkra hdră kơ klei bi liê ngăn prăk ti hnơ̆ng man dưn prăk knŭk kna bi liê wưng thŭn 2021-2025 hŏng ênoh prăk mơ̆ng lăn čar mkăp pioh, bi liê ti hnơ̆ng man dưn kơ êpul grŭp pui kmlă Việt Nam jing hŏng ênoh mkăp kơ wưng man dưn.  

4 mta bruă yuôm bhăn mâo leh phung bi ala bruă kƀĭn ala trông čhai ti anôk bi kƀĭn hlăm 2 hrue ti anôk bi kƀĭn mjêč tal 5. Leh dhar bruă gĭt gai bruă kƀĭn ala tŭ mă, mlih mkra, phung bi ala srăng bi ksiêm, pioh bi mklă hlăm aguah mgi (18/1) dôk hlăm hdră bi kƀĭn mjêč tal 5 anei.