Anei jing mta phŭn prŏng, mâo klei hmăi truh kơ jih jang phung mgăt êdeh, mâo phung bi ala leh anăn phung ktuê dlăng yang ƀuôn uêñ mĭn êdi hlăm wưng êgao. Ară anei hdră bhiăn dôk ba mdah, akâo klei blŭ mguôp mơ̆ng Phŭn bi ala bruă kƀĭn ala 2 hdră êlan.

Ƀiădah phung khua hlăm Dhar bruă gĭt gai bruă kƀĭn ala tŭ ư, sa ai hŏng hdră êlan tal 1, Klei čuăn kăm aghă klei mgăt êdeh hlăm êlan klông tơdah hlăm êrah amâodah êwa mâo hnơ̆ng kôl. Khua kiă kriê Dhar bruă hdră bhiăn mơ̆ng bruă Kƀĭn ala Lê Thị Nga lač klă: Mmông hluê ngă klei čuăn kăm aghă nao leh hlăm klei hdĭp leh anăn mâo lu mnuih ƀuôn sang sa ai hluê ngă leh anăn ƀrư̆ ƀrư̆ jing dhar kreh “Mnăm kpiê asei amâo mâo mgăt êdeh”, mbĭt anăn bi hrŏ klei bi drăm êdeh êdâo kyua kpiê asei. Dhar bruă gĭt gai bruă kƀĭn ala ăt mñă klă klei čuăn klă klơ̆ng kơ bruă răng mgang phung hđeh êjai nao hlăm êlan klông.