Aguah mbrue 8/4, ti Hà Nội, Êpul khua kiă kriê bruă mặt trận čar kwar gưl dlôngViệt Nam mâo leh klei tŭ mă lehanăn mpŭ mni, hdơr knga kơ lĭng kahan Điện Biên, hlăk ai ba anăp, lehanăn mnuih ƀuôn sang săn leh asei mlei hlăk ênuk bi blah Điện Biên Phủ mâo leh kluôm ala hdơr knga. Đỗ Văn Chiến, Khua bruă mặt trận čar kwar gưl dlông Việt Nam nao ti anôk bi kƀĭn anei.

Ti knăm anei, k’iăng khua kiă kriê knơ̆ng prăk knŭk kna Việt Nam Đào Minh Tú jao leh sa ênoh 20 êklai prăk mơ̆ng bruă Công đoàn knơ̆ng prăk Việt Nam bi mkrum pioh mpŭ mni, hdơr knga kơ phung leh djiê êngiă ti anôk bi blah mâo kahan Điện Biên, phung hlăk ai ba anăp, mnuih ƀuôn sang nao hlăm klei bi blah ti Điện Biên Phủ.  Ƀri wưng anei, knơ̆ng prăk bruă lŏ hma Việt Nam ăt jao leh sa ênoh prăk truh 2 êklai prăk pioh hdơr knga kơ phung djiê êngiă, phung săn asei mlei jing lĭng kahan Điện Biên, hlăk ai ba anăp, mnuih ƀuôn sang nao ti anôk bi blah Điện Biên Phủ mơ̆ng čar Thanh Hóa.