Kyua hmăi mơ̆ng angĭn êbŭ mrô 3, êa lip leh anăn klưh hroh lăn ti dŭm alŭ wăl ngă leh 200 čô djiê leh anăn luč ka thâo, 760 čô êka. Ênhă mdiê, djam tam leh anăn ana boh kroh êngăp hlăm êa, luč liê truh 200 êbâo ha. Ti dŭm alŭ wăl angĭn êbŭ găn, dŭm pluh êbâo boh sang dlưh, kpŏk čuôr, jhat rai kjham.

Đăo tĭng luč liê kyua angĭn êbŭ ngă truh dŭm pluh êbâo êklai prăk. Hŏng ai tiê “bi khăp bi đru”, “hla hruôm hluôm hla tĭ”, Anôk bruă hâo hưn mtô mblang gưl dlông iêô mthưr jih jang phung knuă druh, phung mă bruă mđing kơ Asăp iêô mthưr mơ̆ng Knơ̆ng bruă mặt trận čar kwar Việt Nam; hrăm mbĭt mguôp ai, đru kơ ai tiê leh anăn mnơ̆ng dhơ̆ng kơ mnuih ƀuôn sang ti čar luč liê kyua angĭn êbŭ găn klei dleh dlan. Grăp čô knuă druh, phung mă bruă đru mguôp ƀiă êdi prăk mlan 1 hruê mă bruă kơ kdrêč đru mnuih ƀuôn sang tuôm hŏng klei dleh dlan kyua yan adiê ngă.