VOV4.Êđê- Hruê 1/3, Ti Sang bruă kƀĭn ala, Dhar bruă Hdră bhiăn mơ̆ng bruă kƀĭn ala bi kƀĭn kluôm tal 4, brei klei blŭ mguôp kơ hră čih Hdră bhiăn, hră mơar Sang phat kđi yang ƀuôn ksiêm dlăng bruă ba phung ră rañ matúi mơ̆ng djăp 12 thŭn truh ti gŭ 18 thŭn nao hlăm anôk mdrao klei ră rañ. Hluê si klei kčah mtrŭn mơ̆ng Hdră bhiăn gang mkhư̆ ma túi snăn klei dưi bi mklă ba phung ră rañ ma túi mơ̆ng djăp 18 thŭn truh ti gŭ 18 thŭn nao hlăm anôk mdrao ră rañ kyua Sang phat kđi gưl kdriêk ksiêm dlăng, bi mklă. Khădah snăn, hdră, hră mơar anei ka dưi bi mklă klă klơ̆ng ôh. Hdră bhiăn gang mkhư̆ klei ră rañ ma túi lač klă, Dhar bruă kƀĭn ala kčah hdră, hră mơar Sang phat kđi gưl dlông ksiêm dlăng, kčah kơ bruă ba phung ră rañ mơ̆ng djăp 12 truh ti gŭ 18 thŭn nao hlăm anôk mdrao ră rañ. Hŏng dŭm mta phŭn anăn, phung bi ala lač, bruă mtrŭn Hdră bhiăn, hră mơar Sang phat kđi ksiêm dlăng, bi mklă ba phung ră rañ ma túi mơ̆ng djăp 12 thŭn truh ti gŭ 18 thŭn hlăm anôk mdrao ră rañ jing čiăng êdi.

Pô mblang: H’Zawut Ƀuôn Yă