VOV4.Êđê- Aguah mbruê 11/7, Pŏk kčưm klei kƀĭn gưl 13 mơ̆ng Dhar bruă kƀĭn ala. Blŭ hlăm klei kƀĭn, Khua bruă kƀĭn ala Vương Đình Huệ brei thâo, hlăm klei kƀĭn anei, dhar bruă kƀĭn ala srăng ksiêm wĭt klei kƀĭn tal 3 leh anăn brei klei blŭ kơ bruă mprăp klei kƀĭn tal 4, mĭn tĭnh mkŏ mjing ti mlan 10 thŭn anei. Mta kñăm hlăm klei kƀĭn anei jing bruă čih mkra klei bhiăn, bi klă lu hdră klei bhiăn. Leh knăm pŏk klei kƀĭn, 100% phung khua êmua hlăm dhar bruă kƀĭn ala tŭ ư bi klă hdră mtrŭn kơ bruă mlih klei yua dliê, lăn dliê leh anăn lăn pla mdiê mơ̆ng hdră mkăp êlan dơ̆ng pral Dưr – Dhŭng tĭng nah ngŏ wưng thŭn 2021 – 2025.

Hluê anăn, dhar bruă kƀĭn ala brei klei dưi mlih hdră yua lăn dliê, lăn pla mdiê 2 wưng kơ dlông lŏ đĭ thiăm mkă hŏng hdră mtrŭn mơ̆ng bruă kƀĭn ala leh anăn mlih klei yua dliê akŏ êa čiăng ngă djŏ hruê mmông msĕ hŏ hdră kčah. Mbĭt anăn mñă kơ knŭk kna bi leh hră mơar mlih yua lăn čiăng hưn mdah hŏng bruă kƀĭn ala hlăm klei kƀĭn tal 4 kơ anăp.

Pô mblang: Y-Khem Niê