VOV4.Êđê- Lŏ dơ̆ng klei bi kƀĭn kơ hdră bhiăn mlan 8. Aguah 18/8, hŏng 100% čô mâo ƀô̆ mta bi tŭ ư, Dhar bruă kƀĭn ala bi mklă Hdră bhiăn đŭ bi kmhal hŏng prăk hŏng klei ngă gun kpăk bruă kčŭt hưn. Hdră mtrŭn klă klơ̆ng hŏng klei ngă gun kpăk klei kčŭt hưn msĕ si klei kčŭt, hưn kơ phung ngă soh; klei tlĕ hưn klei hgăm ksiêm dlăng; bruă ngă gun kpăk bi ala mơ̆ng anôk bruă, êpul bruă amâodah phung kčŭt hưn… Hdră mtrŭn bi kmhal hŏng prăk kơ klei ngă gun kpăk klei kčŭt hưn kčah phung knuă druh, mnuih mă bruă knŭk kna, phung hlăm êpul lĭng kahan yang ƀuôn, kahan ksiêm yang ƀuôn, phung mă bruă ngă gun kpăk klei kčŭt hưn sĭt dôk ngă bruă, bruă klam leh anăn klei ngă soh anăn jing bruă knŭk kna, bruă klam snăn amâo bi kmhal hlue si hdră bhiăn bi kmhal hŏng prăk ôh ƀiădah srăng msir mgaih hlue si hdră bhiăn kơ phung knuă druh, phung mă bruă knŭk kna leh anăn hdră kčah mkăn mơ̆ng hdră bhiăn djŏ tuôm./.

Pô mblang: H’Zawut Ƀuôn Yă