VOV4.Êđê- Lŏ dơ̆ng hdră klei bi kƀĭn thơ̆ng kơ hdră bhiăn mlan 9/ aguah anei 22/9, Dhar bruă kƀĭn ala brei klei blŭ mguôp hlăm hră čih Hdră bhiăn lăn ala (lŏ mlih mrâo). Anei jing sa hră čih Hdră bhiăn lăn ala (lŏ mlih mrâo). Anei jing sa hră čih Hdră bhiăn prŏng, hnơ̆ng yuôm bhăn hlăm klei hdĭp bruă duh mkra- ala ƀuôn mơ̆ng lăn čar, hmăi kơ lu mta hlăm klei hdĭp bruă duh mkra ala ƀuôn.

Hlue si mĭn tĭng, hră  čih hdră bhiăn srăng mâo Bruă kƀĭn ala bi trông, brei klei blŭ tal êlâo hlăm klei bi kƀĭn tal 4, Bruă kƀĭn ala tal 15. Jing anôk bruă hlue ngă bruă klam kriê dlăng knŭk kna kơ bruă lăn ala, Khua phŭn bruă ngăn dŏ leh anăn wăl hdĭp mda Trần Hồng Hà brei thâo: hră čih Hdră bhiăn lăn ala (lŏ mlih mrâo) mđing truh kơ hdră kčah rơ̆ng bi klă ênoh klă mngač leh anăn djŏ guôp hŏng ênoh anôk ba čhĭ čiăng kơ mnuih ƀuôn sang leh anăn anôk bruă duh mkra dưi mâo klei tŭ dưn. Khua phŭn bruă Trần Hồng Hà ăt mñă klă, bruă lăm lui jar ênoh lăn jing čiăng êdi leh anăn ba yua hră čih ênoh lăn giăm hŏng anôk ba čhĭ./.

Pô mblang: H’Zawut Ƀuôn Yă