Khua čih hră Bruă kƀĭn ala, Khua adŭ bruă kƀĭn ala Bùi Văn Cường brei thâo: Klei bi kƀĭn tal 7, Bruă kƀĭn ala srăng ksiêm dlăng 40 boh phŭn, hlăm anăn mâo 24 boh phŭn hlăm bruă čih mkra hdră bhiăn, 16 boh phŭn kơ bruă duh mkra ala ƀuôn, prăk knŭk kna, ksiêm dlăng leh anăn dŭm bruă yuôm bhăn mkăn. Mĭn tĭng wưng mă bruă 27 hruê, mphŭn pŏk hlăm hruê 20/5 mjưh ruê̆ hlăm hruê 28 mlan 6. 

Hlăm klei bi kƀĭn, phung hlăm Dhar bruă kƀĭn ala lač, bruă Knŭk kna kčĕ Hdră bhiăn lăn ala thŭn 2024 dưi ba yua mơ̆ng hruê 1/7/2024 hrô kơ 1/1/2025 msĕ si hlăm Hdră bhiăn lăn ala kčah leh. Khădah snăn truh wưng anei, Dhar bruă kƀĭn ala ka mâo ôh Hră mơar mơ̆ng Knŭk kna mtă mkŏ mjing Hdră mtrŭn mơ̆ng Bruă kƀĭn ala mkra mlih, mbŏ mta 1 klei 252 Hdră bhiăn lăn ala.