VOV4.Êđê- Lŏ dơ̆ng hdră mă bruă klei bi kƀĭn tal 10, aguah anei 25/4, Dhar bruă kƀĭn ala brei klei blŭ mguôp kơ klei hưn mdah mơ̆ng Knŭk kna kơ klei tŭ hlue ngă mkiêt mkriêm, bi kdơ̆ng luič liê mang thŭn 2021. Hlăm bruă mprăp duh bi liê, mâo lu hdră bruă ka djăp hră mơar duh bi liê, amâo djăp klei găl mbha prăk bi liê, ngă truh kơ bruă amâo djăp hdră kčah mơ̆ng knhuang tal êlâo mtam; bruă ktuê dlăng, bi mlih, mbŏ prăk kơ dŭm hdră bruă ba jao prăk, mâo klei čiăng kơ prăk čiăng bi leh dŭm hdră bruă ka dưi hmao hlue ngă, mbruă. Anei jing klei êdu kƀah mâo lu thŭn, Knŭk kna brei msir mgaih bi jih. Hlăm thŭn 2021, 9 phŭn bruă leh anăn 21 alŭ wăl ăt ka dưi mbha ƀhĭ klĭ prăk duh bi liê knŭk kna; mâo 10 alŭ wăl ka mbha jih ênoh prăk bi liê. Phung bi ala kơ mnuih ƀuôn sang čang hmăng dŭm klei êdu ƀah hlăm bruă hlue ngă hdră bhiăn kơ klei mkiêt mkriêm, bi kdơ̆ng luič liê mang dưi bi trông hŏng hdră klă mngač hlăm klei bi kƀĭn mơ̆ng Dhar bruă kƀĭn ala hruê anei.

                                              Pô mblang: H’Zawut Ƀuôn Yă