VOV4.Êđê- Lŏ dơ̆ng hdră klei bi kƀĭn tal 10, hruê anei, Dhar bruă kƀĭn ala brei klei blŭ mguôp kơ hră čih Hdră bhiăn lŏ mlih mrâo, mbŏ dŭm mta hlăm Hdră bhiăn êlan pui kmlă vô tuyến leh anăn hră čih hdră bhiăn ksiêm dlăng (lŏ mlih mrâo). Hră čih Hdră bhiăn mlih mrâo, mbŏ dŭm mta hlăm Hdră bhiăn êlan pui kmlă vô tuyến kñăm ngă djŏ klei čiăng mơ̆ng bruă tuh tia mkra mjing tal 4, klei čiăng ñŭ kma lu ala čar leh anăn msir mgaih klei êdu kƀah, gun kpăk mơ̆ng bruă kriê dlăng, rơ̆ng bi sa anăn mơ̆ng hdră bhiăn ară anei kơ bruă kriê dlăng, ba yua êlan klei pui kmlă vô tuyến. Mâo 8 klei leh anăn 116 mta, hră čih Hdră bhiăn ksiêm dlăng hdră kčah kơ êpul bruă, ngă bruă ksiêm dlăng knŭk kna: klei mĭn, klei bhiăn lŏ mlih mrâo Hdră bhiăn ksiêm dlăng jing hyuă kjăp leh anăn bi klă klơ̆ng hdră êlan mơ̆ng Đảng leh anăn Knŭk kna kơ bruă ksiêm dlăng; bi djŏ guôp hŏng klei čiăng mkra mlih hră mơar knŭk kna./.

Pô mblang: H’Zawut Ƀuôn Yă