VOV4.Êđê - Klei bi kƀĭn tal 11 mơ̆ng Dhar bruă kƀĭn ala mĭn tĭng mkŏ mjing mơ̆ng hruê mgi, 11 truh hruê 20/5 srăng brei klei blŭ mguôp kơ lu mta phŭn yuôm bhăn. Anăn jung ksiêm dlăng, bi mklă bruă mkŏ mjing wăl krah Phương Sơn hlăm kdriêk Lục Nam leh anăn mkŏ mjing wăl krah Bắc Lý ti kdriêk Hiệp Hoà, čar Bắc Giang; hdră êlan bi mlih yua dliê, lăn dliê leh anăn pla mdiê mơ̆ng dua yan kơ dlông mơ̆ng Hdră mkŏ mjing êlan dơ̆ng êran pral Dưr - Dhŭng nah Ngŏ wưng 2021-2025 (tơdah djăp klei găl).

Dhar bruă kbĭn ala brei klei blŭ mguôp kơ hră hưn mdah ksiêm dlăng klei tŭ hlue ngă bruă klam mđĭ kyar bruă duh mkra- ala ƀuôn leh anăn prăk knŭk kna thŭn 2021; boh klei pŏk ngă hdră kčah mđĭ kyar bruă duh mkra- ala ƀuôn leh anăn prăk knŭk kna dŭm mlan akŏ thŭn 2022; ksiêm dlăng kơ hdră mĭn tĭng mbha prăk knŭk kna gưl dlông wưng 2021-2025 leh anăn thŭn 2022 kơ phung knuă druh, anôk bruă gưl dlông leh anăn alŭ wăl hlue ngă 03 hdră kñăm ala čar, mbŏ hdră kčah prăk knŭk kna gưl dlông thŭn 2022 hlăm ala čar mbha kơ dŭm phŭn, dhar bruă, alŭ wăl.

H’ Zawut pô mblang