VOV4.Êđê- Lŏ dơ̆ng hdră klei bi kƀĭn tal 9, hruê 14/3, brei klei blŭ mguôp hlăm klei tŭ hlue ngă bruă mnuih ƀuôn sang čŏng ngă mlan 2/2022, Dhar bruă kƀĭn ala mtă kơ Knŭk KNA, Khua knŭk kna mđing dlăng, gĭt gai mkhư̆ klei mjhua ênoh êa săng, êa pui đĭ čiăng duah ƀơ̆ng. Phung bi ala kơ mnuih ƀuôn sang bi mni kơ klei hmao ngă bruă mơ̆ng Bruă kƀĭn ala ti anăp ênoh êa săng êa pui đĭ nanao, hmaĭ lu kơ bruă mkra mjing, klei hdĭp mnuih ƀuôn sang. Klei êa săng, êa pui đĭ ênoh ktŭng ba lu mta mnơ̆ng mnơ̆ng dhơ̆ng dhơ̆ng, hdră bruă đĭ ênoh, ngă kơ klei hdĭp mda, bruă mkra mjing mnuih ƀuôn sang tuôm hŏng lu klei dleh dlan. Dhar bruă kƀĭn la mtă kơ Knŭk kna gĭt gai Phŭn bruă tuh tia mnia blei, Phŭn bruă ngăn prăk leh anăn dŭm phŭn, dhar bruă djŏ tuôm mâo hdră msir kriê dlăng, ktuê dlăng tŭ dưn ênoh mnơ̆ng dhơ̆ng, hdră bruă sĭt mkra mđĭ ênoh êa săng, êa pui, mkhư̆ klei bi mjhua hŏng ênoh êa săng, êa pui msĕ si ară anei, mđing dlăng, mâo hdră đru kơ mnuih ƀuôn sang leh anăn anôk bruă duh mkra.

Pô mblang: H’Zawut Ƀuôn Yă