Mkŏ mjing hlăm 4 hruê, hlăm klei bi kƀĭn anei, Dhar bruă kƀĭn ala brei klei blŭ hlăm 16 boh phŭn yuôm bhăn mprăp kơ klei bi kƀĭn tal 5, Bruă kƀĭn ala gưl 15. Blŭ hrăm ti anôk bi kƀĭn, Khua bruă kƀĭn ala Vương Đình Huệ mtă Dhar bruă kƀĭn ala ksiêm hriăm brei klei blŭ kơ klei čiăng mlih mrâo, mbŏ hră čih Hdră bhiăn dŭm êpul brei čan prăk (mkra mlih).

Hlăm aguah 9-5, brei klei blŭ hlăm hră hưn mdah mđĭ kyar bruă duh mkra- ala ƀuôn leh anăn ngăn prăk dŭm mlan akŏ thŭn anei, Dhar bruă kƀĭn ala lač: đăo knăl gưl 2 bruă duh mkra srăng dleh dlan hĭn gưl 1, klei anei kčah klei lông dlăng hŏng knŭk kna hlăm bruă gĭt gai bruă duh mkra kluôm dŭm gưl kơ anăp čiăng gĭr ktưn kčah hdră kñăm mđĭ kyar GDP 6,5% kơ jih thŭn. Khua phŭn bruă Hdră kčah leh anăn duh bi liê Nguyễn Chí Dũng brei thâo, boh klei duh mkra ala ƀuôn mlan 4 leh anăn 4 mlan akŏ thŭn mâo lu klei tŭ dưn jăk, bruă duh mkra kluôm kjăp, prăk luč ênoh dư ksiêm dlăng./.