VOV4.Êđê - Aguah anei, ti Sang bruă kƀĭn ala, Dhar bruă kƀĭn ala lŏ dơ̆ng hdră klei bi kƀĭn tal 9. Hlăm klei bi kƀĭn tal 2 anei, Dhar bruă kƀĭn ala mă bruă hlăm 3 hruê. Năng mđing, Dhar bruă kƀĭn ala srăng ksiêm dlăng, bi mklă Hdră mtrŭn kơ hnơ̆ng jia răng mgang wăl hdĭp mda hŏng êa săng, êa pui truh jih hruê 31/12/2022. Hruê 13/3 mrâo egao, Knŭk kna bi mklă hră čih kơ hnơ̆ng jia răng mgang wăl hdĭp mda hŏng êa săng, êa pui truh jih hruê 31/12 čiăng hưn mdah hŏng Dhar bruă kƀĭn ala bi mklă. Hlue anăn mĭn tĭng bi hrŏ prăk jia răng mgang wăl hdĭp mda hŏng êa săng jing 2000 prăk/lĭt, êa pui diese; êa pui mazut 1000 prăk/lĭt; êa ơui čuh 700 prăk/lĭt, mphŭn mơ̆ng 1/4 truh jih hruê 31/12/2022. Hlăm aguah anei, Dhar bruă kƀĭn ala brei klei blŭ mguôp kơ bruă hlak mblang, tŭ mă, mkra mlih 1 hră čih Hdră bhiăn, anăn jing: Hdră bhiăn mnia blei hră ênua (lŏ mkra mlih) leh anăn Hdră bhiăn phim rup (lŏ mkra mlih); brei klei blŭ mguôp kơ hră čih Hdră mtrŭn mơ̆ng Bruă kƀĭn ala lông ngă gru hmô mkŏ mjing ngă bruă, mtô bruă kơ phung mnă êngao sang mnă./.

H’Zawut pô mblang