VOV4.Êđê- Aguah 22/8, Khua bruă kƀĭn ala Vương Đình Huệ gĭt gai leh Klei bi kƀĭn ksiêm dlăng boh klei hlue ngă hdră kčah mrô 81 mơ̆ng Dhar bruă kƀĭn ala gưl XV leh anăn pŏk ngă hdră mkŏ mjing hdră bhiăn. Khua bruă kƀĭn ala Vương Đình Huệ brei thâo bruă hlue ngă klei klah čŭn mơ̆ng Phŭn bruă kđi čar leh anăn hdră kčah mơ̆ng Dhar bruă kƀĭn ala giăm 1 thŭn êgao mâo leh klei tŭ dưn jăk leh anăn yuôm bhăn. Truh ară anei, Bruă kƀĭn ala mâo leh 6 Hdră bhiăn, 8 hdră mtrŭn.

Dhar bruă kƀĭn ala mtrŭn leh 2 hdră bhiăn leh anăn 1 Hdră mtrŭn. Mĭn tĭng klei bi kƀĭn tal 4 kơ anăp srăng ksiêm dlăng 7 hră čih Hdră bhiăn, 1 Hdră mtrŭn leh anăn ksiêm dlăng tal êlâo 7 hră čih Hdră bhiăn mkăn. Khua bruă kƀĭn ala mtă kơ anôk bruă djŏ tuôm mđing kơ hnơ̆ng jăk dŭm hră čih Hdră bhiăn, rơ̆ng hnơ̆ng đĭ kyar hĭng bruă čih mkra hdră bhiăn mơ̆ng wưng păn bruă, lŏ dơ̆ng mlih mrâo hdră mguôp klei blŭ, mă klei blŭ yang ƀuôn, hyuă kjăp klei bhiăn leh anăn bi kdơ̆ng hŏng klei ƀơ̆ng ngăn, klei tŭ dưn êpul hlăm bruă mkŏ mjing hdră bhiăn.

Pô mblang: H’Zawut Ƀuôn Yă