VOV4.Êđê- Hruê mbruê 12/1, ti Hà Nội êpul kiă kriê bruă knuă gưl dlông mkŏ mjing leh klei kƀĭn trông êlan online kluôm ala bi mklin bruă ngă dhar bruă kiă kriê bruă knuă hlăm Đảng thŭn 2021 leh anăn ba mdah bruă klam thŭn 2022. Phan Đình Trạc, khua hlăm phŭn bruă kđi čar, khua bruă Đảng gưl dlông, khua êpul kiă kriê bruă knuă gưl dlông, k’iăng khua êpul gĭt gai mơ̆ng gưl dlông kơ bruă gang mkhư̆ klei ƀơ̆ng ngăn, klei amâo jăk gĭt gai klei kƀĭn anei. Blŭ hlăm klei kƀĭn, Phan Đình Trạc kñă klă bruă hlăm Đảng thŭn 2021 mâo lu klei êdah kdlưn leh anăn kluôm ênŭm. Bi kơ bruă klam thŭn 2020, Phan Đình Trạc mtă kơ dhar bruă kiă kriê bruă knuă gưl dlông mđĭ hĭn boh tŭ klei ngă bruă ksiêm duah, hưn mdah klei mĭn pô, hdră êlan mơ̆ng Đảng kơ klei kiă kriê bruă knuă, gang mkhư̆ klei ƀơ̆ng mngăn leh ană mlih mrâo klei bhiăn, hlăm anăn, mjêč bi leh dŭm hdră mkăp mơ̆ng êpul khua bruă Đảng gưl dlông, phŭn bruă kđi čar, êpul khua bruă Đảng djŏ hŏng hdră čoh čuăn.

Pô mblang: Y-Ƀel Êban