Klei kƀĭn iêo jak êbeh 100 knơ̆ng bruă nao hgŭm. Tinei, hŏng klei bi tuôm hŏng phung ƀĭng hgŭm, ksiêm hriăm klei hưn, bi trông kơ dŭm klei găl mnia mblei mnơ̆ng dhơ̆ng, 18 knơ̆ng bruă Dhŭng Korea bi klă 42 hră bi hdơr mkăp brei leh anăn ba čhĭ mnơ̆ng dhơ̆ng hŏng dŭm knơ̆ng bruă krĭng Lăn Dap Kngư.

Hlăm anăn, lu hĭn jing dŭm mta mnơ̆ng dhơ̆ng phŭn msĕ si kphê, maka, boh kroh, djam mtam. Hlăm knăm bi klă hră bi hdơr, dua tĭng lŏ dơ̆ng bi trông čiăng bi klă klei kuôl kă mkăp brei leh anăn ba čhĭ mnơ̆ng dhơ̆ng. Trần Hải Linh, khua hlăm dhar bruă mặt trận čar kwar Việt Nam, khua kiă kriê êpul hgŭm phung mnia mblei leh anăn duh bi liê Việt Nam – Dhŭng Korea brei thâo, êpul hrăm mbĭt hŏng dŭm knơ̆ng bruă čiăng đru mtrŭt mđĭ klei mnia mblei leh anăn bi mguôp Việt Nam –Dhŭng Korea ƀrư̆ hruê ƀrư̆ êlam leh anăn tŭ dưn.