Ƀuôn hgŭm Yang Mao, čar Daklak jing sa hlăm dŭm alŭ wăl hmăi prŏng mơ̆ng klei êa lip. Tui si klei čih yap tal êlâo, leh klei hjan prŏng tal anei, kluôm ƀuôn hgŭm  Yang Mao mâo truh 80 boh sang êngăp êlan hlăm êa, hlăm anăn mâo 2 boh sang hlŏng klưh rai jih, lehanăn 5 boh sang êa mđung. Lu êlan klông klưh jhat, amâo lŏ dưi găn êrô. Dua boh kban jing jai ti êlan ngŏ duôr čư̆ prŏng jhat rai.

Êlan dơ̆ng čar mrô 12 amâo lŏ dưi găn êrô jing dleh kpăk kơ bruă nao đru dŏng, knơ̆ng bruă sang čư̆ êa ƀuôn hgŭm  iêo jak leh jih jang êpul êya hlăm ƀuôn hgŭm, mâo kahan ksiêm, kahan ƀuôn, lehanăn dŭm êpul êya bruă mbĭt hŏng mnuih ƀuôn sang bi đru kơ mnuih ƀuôn sang piăt êmiêt pưk sang, mbĕ mnuih ƀuôn sang đuĕ kơ anôk êđăp ênang. Mbĭt anăn, hgŭm hŏng dŭm êpul êya lŏ mkra wĭt dŭm kdrễč êlan jhat rai, pioh mâo êlan nao đru dŏng, dŭ ba mnơ̆ng mnuă yua kơ mnuih ƀuôn sang./.

Dŭm hruê êgao, adiê hjan prŏng ngă leh hnơ̆ng êa đĭ pral, ngă lu anôk ti să Krông Bông, čar Dak Lak êngăp êa, bi ktlah lu anôk. Hlăm anăn, alŭ 27 jing sa hlăm dŭm krĭng hmăi kjham hĭn. Hluê si Knơ̆ng bruă sang čư̆ êa să Krông Bông, truh tlam 17/11, 4 alŭ, mâo: 27, 28, 29 và 30 hŏng êbeh 500 gŏ sang bi ktlah kluôm dhuôm. Mbĭt anăn, lu krĭng huĭ hyưt mâo leh klei kluh hroh lăn.

Bruă knŭk kna alŭ wăl mkŏ mjing leh Klei bi kƀĭn mječ hŏng Adŭ bruă răng mgang sowil, ba nao êpul dôk gak jih hruê mlam, dhiang klei, pơ̆ng mdhă hưn brei răng ti dŭm anôk êngăp êa, mbĭt anăn mkŏ mjing hdră mbĕ mnuih ƀuôn sang truh ti anôk êđăp ênang. Êbeh 100 čô knuă druh, kahan ksiêm, kahan ƀuôn mbĭt hŏng êpul hlăm alŭ wăl ba nao dôk gak jih hruê mlam, să ăt yua cano lehanăn mran anôk bruă duh mkra čiăng đru dŏng./.

 Hjan prŏng nanao, lu alŭ wăl ti čar Khánh Hòa êngăp êlam, êlan klông amâo mâo dưi găn êrô. Ti kčưn čư̆ Khánh Lê (QL27C), klưh jhat prŏng ngă lu mnuih djiê lehanăn êka. Hjan prŏng amâo mâo mdei ngă kơ taluy nah dlôgn êlan dơ̆ng prŏng mrô  27C klưh, mâo lu klŏ boh tâo prŏng jăm hlăm êlan klông. Aguah hrue mbrue 17/11, mơ̆ng klei klưh prŏng anei hlăm êlan klông ngă dleh dlan kơ êpul đru dŏng. Truh 11h, jih jang 15 čô knuă druh lĭng kahan mâo kbiă mơ̆ng anôk huĭ hyưt anăn. Lu anôk bruă djŏ tuôm tiŏ nao leh mnuih lehanăn êdeh êdâo dru nao ruh mgaih anôk klưh jhat. Ti nah dưr Nha Trang, dŭm kdrêč êlan 23 mlan 10, Nguyễn Khuyến, 2 mlan 4…

êngăp êlan hlăm êa, alŭ wăl tkuê hnoh krông Cái êa trim mbah ling hlăm êlan. Ti Cam Ranh lehanăn Cam Lâm, lu alŭ wăl mnuih ƀuôn sang dôk êngăp hlăm êa mơh, mâo gŏ sang êa lip truh kơ čuôr sang, lu mnuih dôk guôn klei đru dŏng. Êpul bruă djŏ tuôm mâo klei mtă, mbĕ jih jang mnuih đuĕ mơ̆ng krĭng tlung, krĭng ênưih êa ngă./.