Khua knŭk kna Phạm Minh Chính mrâo mâo leh klei bi mklă kơ bruă đru mjêč kơ dŭm čar Thái Nguyên, Cao Bằng, Lạng Sơn lehanăn Bắc Ninh mghaih msir boh mơ̆ng klei êa lip. Bi klă ênoh đru 140 êklai prăk mơ̆ng prăl gưl dlông thŭn 2025 kơ 4 boh čar čiăng hmâo đru dŏng mnuih ƀuôn sang, mghaih msir boh mơ̆ng klei êa lip.

Thái Nguyên 50 êklai prăk, Cao Bằng 30 êklai prăk, Lạng Sơn 30 êklai prăk lehanăn Bắc Ninh 30 êklai prăk) djŏ tui si klei phŭn bruă ngăn prăk čoh čuăn. Khua knŭk kna jao kơ knơ̆ng bruă sang čư̆ êa dŭm boh čar: Thái Nguyên, Cao Bằng, Lạng Sơn lehanăn Bắc Ninh đua klam kiă kriê, lehanăn ba yua bi djŏ ngăn prăk mơ̆ng knŭk kna, đru bi djŏ bruă, bi djŏ mnuih, mă bruă hŏng klei klă mngač amâo mâo ngă luič liê amâodah lĕ hlăm klei amâo mâo jăk./.