VOV4.Êđê - Aguah hruê 7/2, jing hruê 7 Têt, phung knuă druh, mnuih mă bruă ti dŭm anôk bruă knŭk kna ti DakLak klă klơ̆ng lŏ ngă bruă hlăm hruê tal êlâo mơ̆ng thŭn mrâo Nhâm Dần 2022. Ti anôk bruă ngă hră m’ar knŭk kna čar Dak Lak, hlăm hruê mă bruă tal êlâo, phung knuă druh adŭ bruă kahan ksiêm bruă ngă hră m’ar lehanăn klei êđăp ênang yang ƀuôn, Kahan ksiêm čar pral tŭ mă hră m’ar mơ̆ng mnuih ƀuôn sang nao ngă hră kak asei.

Bi ti anôk bruă hưn mthâo bruă mă čar Dak Lak, hlăm hruê mă bruă tal êlâo leh mdei Têt Djuê ana, ênoh mnuih hriê ti anôk bruă lu hĭn dua blư̆ mkă hŏng hruê yang đar. Hŏng ai tiê đua klam kơ bruă mơ̆ng hruê akŏ thŭn mrâo, dŭm anôk bruă, êpul êya ti Dak Lak pral bi mlih boh tŭ hdră mă bruă, gĭr bi leh jih bruă klam hlăm thŭn 2022./.

H’Nêč pô mblang