VOV4.Êđê- Drông hđeh lŏ wĭt hriăm hlăm sang hră mơ̆ng krah mlan 2/2022, dŭm anôk bruă mtô hđeh ti ƀuôn prŏng Pleiku, čar Gia Lai lŏ dơ̆ng pŏk ngă lu hdră msir čiăng rơ̆ng êđăp ênang gang mkhư̆ klei ruă Covid-19. Mbĭt hŏng anăn, dŭm anôk bruă hâo hưn mtô mblang, iêô jak mnuih ƀuôn sang ba hđeh lŏ nao sang hră, kơrŭ wĭt klei hdĭp aguah tlam mrâo.

Hđeh truă čhiăm guôm ƀô̆ jih mmông hriăm ti sang hră

Knơ̆ng bruă sang hră mtô bi hriăm Gia Lai brei thâo, ară anei, kluôm čar mâo 253/257 sang hră brei hđeh sang hră gưl điêt nao hriăm. Giăm 1 hruê kăm, mâo 87% hđeh nao sang hră. Ti dŭm kdriêk, wăl krah, ênoh hđeh lŏ wĭt hriăm lu. Hŏng bruă mtô bi hriăm rơ̆ng êđăp ênang, ênoh hđeh lŏ wĭt hriă  ti sang hră dưi mđĭ hlăm grăp hruê.  Hluê si Knơ̆ng bruă, gưl hđeh điêt jing gưl hriăm yuôm bhăn, đru phung hđeh đĭ kyar kluôm ênŭm klei thâo, klei thâo săng leh anăn mđĭ kyar klei jhŏng kơ hđeh êlâo kơ mŭt hriăm adŭ 1. Kyua anăn, bruă brei hđeh lŏ nao sang hnưm jing klei čiăng êdi.

Pô mblang: H’Zawut Ƀuôn Yă