Hlue si klei hưn mdah, prăk knŭk kna gưl dlông thŭn 2024 đru hlue ngă 3 Hdră bruă kñăm ala čar (Hdră mđĭ kyar bruă duh mkra- ala ƀuôn krĭng mnuih djuê ƀiă lehh anăn krĭng čư̆ čhiăng; Hdră bi hrŏ ƀun kjăp leh anăn Hdră mkŏ mkra krĭng ƀuôn snag mrâo) krĭng Lăn Dap Kngư jing êbeh 5.500 êklai prăk, hlăm anăn prăk bi liê mđĭ kyar êbeh 3.400 êklai prăk, prăk bruă knuă êbeh 2.100 êklai prăk. Ênoh prăk bi liê knŭk kna truh hruê 30/6/2024, dŭm čar krĭng Lăn Dap Kngư bi liê êbeh 1.500 êklai prăk, mâo êbeh 36% hdră kčah.

Truh ară anei, krĭng wăl Lăn Dap Kngư mâo hlăm brô 373 să mâo hdră tŭ yap hnơ̆ng čuăn krĭng ƀuôn sang; Ênoh gŏ êsei ƀun hlue si hnơ̆ng  čuăn lu tĭng thŭn 2024 mơ̆ng krĭng hrŏ mơ̆ng 3-4% mkă hŏng thŭn 2023. Hlăm klei bi kƀĭn, K’iăng Khua knŭk kna Trần Lưu Quang mñă klă, čiăng pŏk ngă tŭ dưn dŭm Hdră kñăm ala čar, dŭm čar brei ngă jih bruă klam, gĭr hĭn hlăm wưng kơ anăp; dŭm alŭ wăl brei bi tui hriăm, ti alŭ wăl ka leh snăn brei hriăm dŭm alŭ wăl bi ngă jăk čiăng hrăm mbĭt hlue ngă tŭ dưn bruă klam dưi jao.