Hruê mbruê 4/9, ti lu alŭ wăl mơ̆ng 3 kdriêk čư̆ čhiăng ti čar Kon Tum mâo Đăk Glei, Tu Mơ Rông leh anăn Kon Plông mâo hjan hlĭm. Đăo tĭng êlâo klei hmăi mơ̆ng angĭn mrô 3 lŏ dơ̆ng ngă hjan prŏng, truh kơ klei klưh hroh lăn ti alŭ wăl, Dhar bruă sang hră mơar leh anăn bruă sang čư êa dŭm kdriêk ti čar Kon Tum mprăp leh hdră êlan mkŏ mjing knăm mphŭn pŏk thŭn hriăm mrâo hlăm klei hjan hlĭm. Êpul khua kiă kriê sang hră hyuă kjăp mmông atăr drông anak čiăng rơ̆ng kơ klei êđăp ênang.

Thŭn hriăm 2024 – 2025 čar Kon Tum mâo êbeh 170.000 čô hđeh sang hră mơ̆ng hđeh điêt truh kơ gưl 3, hlăm anăn mâo êbeh 45.000 čô hđeh mrâo mŭt hriăm dŭm gưl. Čiăng kơ hruê mphŭn pŏk thŭn hriăm mrâo 5/9 klă sĭt jing hruê jing jang ba anak nao sang hră, mơ̆ng akŏ mlan 8, Knơ̆ng bruă sang hră mơar čar Kon Tum mkŏ mjing leh 6 êpul ksiêm dlăng kơ bruă mprăp thŭn hriăm mrâo hlăm jih jang anôk bruă sang hră mơar ti 10 kdriêk, ƀuôn prŏng hlăm čar.