VOV4.Êđê -  Aguah mbruê 17/3 ti kdriêk Krông Pač, čar Dak Lak, anôk bruă klei kiă kriê mnơ̆ng dhơ̆ng (phŭn bruă kreh knhâo mrâo mrang) bi mguôp leh hŏng bruă sang čư êa kdriêk Krông Pač mkŏ mjing knăm mđup brei anăn knăl mnơ̆ng dhơ̆ng “Durian Krông Pač”. Krông Pač jing krĭng pla mjing durian lu hĭn ti čar Dak Lak hŏng ênhă êbeh 2.500 ha, hnơ̆ng boh mnga grăp thŭn đăo knăl mâo mơ̆ng 45.000 truh kơ 50.000 tôn, ênoh prăk hrui wĭt mơ̆ng 2.200 – 2.400 êklai prăk.

Bruă tŭ yap mâo anăn knăl jing tur knơ̆ng đru kơ phung pla mjing, knơ̆ng bruă dưi mđĭ kyar hlăm hnơ̆ng tŭ jăk, phŭn agha, đru mđĭ klei hing ang, mđĭ kyar anôk mnia mblei boh durian kơ alŭ wăl. Khua bruă Đảng kdriêk Krông Pač Trần Hồng Tiến brei thâo, dŭm gưl bruă dôk jih ai bi mguôp hŏng mnuih ƀuôn sang, knơ̆ng bruă ƀrư̆ ƀrư̆ bi leh dŭm knhuang kơ anăp čiăng kơ boh durian Krông Pač jing mta mnơ̆ng dhơ̆ng phŭn, dưi ba čhĭ truh kơ dŭm anôk mnia mblei prŏng msĕ si Japon, Dhŭng Korea, Australia, Mi amâodah EU.

Y-Bel pô mblang