VOV4.Êđê - Hrue anei (22/8), êbeh 1 êklăk 900 êbâo čô hđeh hriăm hră adŭ 1 hlăm kluôm ala klă klơ̆ng nao sang hră. Drông hđeh lŏ nao sang hră mơar djăp sang hră mơar mprăp leh sơăi djăp mta bruă msĕ si pui kmlă, jhưng mdhô̆, êñan đĭ, dhiăr kpưh... kñăm ba klei êđăp ênang kơ hđeh hriăm hră, răng amâo mâo klei jhat truh hŏng hđeh ôh. Tui si hdră hlăm thŭn hriăm 2022 – 2023 hŏng sang hră hđeh điêt, phổ thông, lehanăn sang hră mjuăt bi hriăm nanao mâo leh phŭn bruă sang hră mơar mtrŭn hrue 5/8 pŏk thŭn hriăm mrâo ti hrue 5/9 msĕ si yăng đar.

Hđeh lŏ nao sang hră mơar pral hĭng hlăm sa hrue kăm, jing mơ̆ng hrue 29/8. Hjăn adŭ 1, jih jang sang hră lŏ nao sang hră mơar sơăi pral hĭn kơ hrue pŏk thŭn hriăm mrâo dua hrue kăm, jing hrue 22/8. Dŭm čar: Hà Nam; Hải Dương; Hậu Giang; Hoà Bình, Bến Tre; Daknông; Đồng Tháp; Đồng Nai; Bắc Giang; Hà Nội; Bắc Cạn; Bắc Ninh; Bạc Liêu; Lai Châu; Lâm Đồng... drông hđeh adŭ 1 hlăm hrue anei sơăi./.

Y-Khem pô mblang