Hlăm hdră, Thượng tướng Võ Minh Lương, K’iăng Khua Phŭn bruă lĭng kahan bi ala kơ dŭm anôk bruă mơ̆ng Phŭn bruă lĭng kahan mđup brei 15 êbâo hnư mnơ̆ng hŏng ênoh êbeh 10 êklai prăk kơ dŭm gŏ sang knuă druh, lĭng kahan, mnuih mă bruă mâo klei hdĭp dleh dlan hlăm Binh đoàn 15 leh anăn mnuih ƀuôn sang, khua mduôn, khua ƀuôn, phung mâo kơhưm hlăm êpul êya mnuih djuê ƀiă ti krĭng knông lăn dua čar Gia Lai, Kon Tum.

Êngao anăn, hdră lŏ mâo klei bi lông đŭng điŏ, kdŏ mmuiñm mdah leh anăn čhĭ mnơ̆ng dhơ̆ng “0 prăk) mkăp mnơ̆ng dhơ̆ng čiăng yua aguah tlam kơ mnuih ƀuôn sang. Anei jing hdră mâo Anôk bruă kriê dlăng mnuih mă bruă Lĭng kahan leh anăn Binh đoàn 15 mkŏ mjing grăp thŭn, kñăm hyuă kjăp klei bi hgŭm, bi khăp bi đru leh anăn mbĭt hŏng bruă sang čư̆ êa alŭ wăl ktuê knông lăn Dưr Lăn Dap Kngư kriê dlăng, đru kơ mnuih ƀuôn sang drông Tết djăo ênŭm, trei mđao.