Mmông bi lông tal êlâo mkŏ mjing êđăp ênang, djŏ hŏng hdră bhiăn, amâo mâo pô bi lông ngă soh hŏng klei bhiăn bi lông. Lu phung bi lông bi klă klei bi lông ngữ văn ăt msĕ hŏng grăp thŭn leh anăn msĕ hŏng dŭm gưl lông bi lông diñu ngă hlăm wưng êgao. Phung bi lông bi êdah klei hơ̆k mơak êjai klei bi lông Ngữ văn bơ̆k bâo kơ boh klei “bi kna ai tiê”.

Anei amâo djŏ knŏng jing mta phŭn klei mrâo ƀiădah lŏ djŏ guôp hŏng ênuk thŭn diñu, mơ̆ng anăn đru kơ diñu mâo dŭm klei bi klă, klei mĭn mdê mdê. Hluê si klei hưn hmar mơ̆ng knơ̆ng bruă mtô mjuăt bi hriăm čar Gia Lai, hlăm mmông bi lông tal êlâo mơ̆ng gưl bi lông bi ruê̆ klei hriăm gưl 3 thŭn 2023, mta bi lông Ngữ Văn, kluôm čar êkŭt 54 čô bi lông. Klă klơ̆ng, ênoh phung bi klă nao bi lông mta hriăm Ngữ văn jing 14 êbâo 696 čô, ênoh phung nao bi lông jing 14 êbâo 692 čô, êkŭt 54 čô bi lông, hlăm anăn mâo 18 čô jing phung bi lông mnuih djuê ƀiă.