VOV4.Êđê- Hruê anei 5/9, êbeh 23 êklăk čô hđeh sang hră hlăm kluôm ala kčưm mŭt hlăm thŭn hriăm mrâo 202 – 2023 hŏng akŏ “bi mguôp, hŏng klei mbruă, gĭr bi leh jăk bruă klam leh anăn mta kñăm mlih mrâo, bi kjăp leh anăn mđĭ hnơ̆ng tŭ jăk bruă mtô mjuăt bi hriăm”. Hluê si Khua phŭn bruă Nguyễn Kim Sơn, thŭn hriăm 2022 -2023 dưi bi klă jing thŭn hriăm knăm hluê ngă bruă klam mlih mrâo bruă mtô mjuăt bi hriăm, hluê ngă hdră mtô mjuăt bi hriăm thŭn 2018.

Thŭn hriăm anei, hdră mtô mjuăt bi hriăm dưi hluê ngă hŏng adŭ 3, 7, leh anăn adŭ 10 hŏng lu klei mmlih mrâo. Boh nik, hdră hriăm adŭ 7 mrâo brei kơ phung hđeh sang hdră dưi ruah hriăm klei blŭ mnuih djuê ƀiă amâodah klei ala tač êngao tal 2. Klei anei brei ƀuh bruă kriê pioh, bi lar klei blŭ mnuih djuê ƀiă dưi mâo klei uêñ mĭn hlăm dŭm sang hră. Truh kơ ară anei, mâo ƀiă êdi 6 alŭ wăl hlăm kluôm ala bi klă amâo mâo mă prăk hriăm wưng thŭn 2022 -2023 mâo: Cần Thơ, Đà Nẵng, Hải Phòng, Bà Rịa - Vũng Tàu, Bắc Kạn, Quảng Ninh. 

Pô mblang: Y-Ƀel Êban