VOV4.Êđê- Ƀri wưng bi hdơr 132 thŭn hruê k’kiêng khua gĭt gai Hồ Chí Minh, 111 thŭn hruê Awa Hồ duah êlan dŏng mtlaih ala čar, tlam mbruê 18/5, bruă Đảng ƀuôn prŏng Hồ Chí Minh mkŏ mjing leh knăm pah mni êpul êya, grăp čô mâo bruă ngă êdah êdi hlăm bruă tui hriăm leh anăn hluê ngă klei mĭn, knhuah mngač Hồ Chí Minh thŭn 2021 -2022.

Blŭ hlăm knăm pah mni, khua hlăm phŭn bruă kđi čar, khua bruă Đảng ƀuôn prŏng Hồ Chí Minh Nguyễn Văn Nên mñă klă, 142 êpul êya leh anăn 213 čô dưi ruah mă jing gru mngač hlăm klei tui hriăm, mă bruă, đru mguôp hlăm lu mta bruă kơ klei hdĭp yang ƀuôn. Anei jing dŭm knuh mnga siam, thâo mbruă, jhŏng mĭn, jhŏng ngă, jih ai hŏng bruă pô, jhŏng mĭn, jhŏng ngă leh anăn đua klam hlăm klei ngă bruă pô.

Pô mblang: Y-Ƀel Êban