Truh wưng anei, djăp bruă mprăp kơ bruă jao - mŭt kahan mâo dŭm alŭ wăl mprăp bi leh; phung mŭt kahan ăt mprăp ai tiê kơ knăm mơak mŭt kahan. Hlăm gưl ruah kahan thŭn 2024, ti Dak Lak mâo 2.553 čô mnuih ƀuôn sang djŏ ruah kahan.

Jih jang mâo klei suah pral jăk, rơ̆ng mă bruă hlăm êpul kahan. Hlăm ênoh anei, mâo 3 čô mniê, 4 čô đảng viên, 120 čô hriăm leh gưl prŏng, gưl krah. Lu phung êdam êra čŏng čih hră mŭt kahan. Hlăm wưng êgao, Êpul gơ̆ng bruă mŭt kahan dŭm alŭ wăl êmuh hrăm, mđup brei mnơ̆ng, ksiêm hriăm, thâo kơ klei čiăng, mđĭ ai mnuih ƀuôn sang êlâo kơ nao mŭt kahan./.